Kuwa 1 Gashyantare mu Karere ka Karongi, hizihijwe umunsi w'Intwari z'Igihugu, ku nsanganyamatsiko igira iti: Gukomeza Ubutwari mu cyerekezo twahisemo

 Ku rwego rw'Akarere  uyu munsi wabereye mu Murenge wa Twumba, aho Umushyitsi Mukuru yari Umuyobozi w'Akarere, NDAYISABA François, wari kumwe n'uhagarariye Ingabo Mu Karere ka Karongi, Maj.Gonzague NTAGANDA, Umuyobozi wa Polisi mu Karere, SP. JP GATABAZI,  witabiriwe n'abaturage mu ngeri zitandukanye batuye cyangwa bakorera mu Murenge wa Twumba.

Ibirori byaranzwe n'Indirimbo imbyino, imyiyereko n'umukino w'umupira w'intoki(Volleyball) wahuje ikipe y'Ingabo z'Igihugu n'abarimu.

Mu butumwa bwatanzwe bwagarukaga ku butwari bw'abanyarwanda bo hambere, abafashe ijambo bagarutse ku kuba intwari mu muryango ababyeyi bita ku nshingano, no gusiga umurage mwiza.

Mu ijambo rye, Umuyobozi w'Akarere yagarutse ku byiciro by'ubutwari, Imanzi, Imena n'Ingenzi,  ahita atanga  umukoro  wo kwisuzuma umuntu akareba icyiciro yashyirwamo.

Uyu munsi  wizihirijwe mu mirenge yose nk'aho i Gishyita Umushyitsi Mukuru yari Umuyobozi w'Akarere Wungiririje Ushinzwe Imibereho Myiza, washoje ibirori anatangiza Imikino y'Umurenge KAGAME CUP.

I Rubengera mu Kagari ka Ruragwe Umushyitsi Mukuru yari Umuyobozi w'Akarere Wungiririje Ushinzwe Ubukungu, hakaba hanabereye ibikorwa byo kwitura n'ubusabane nka zimwe mu nkingi z'Umuco w'ubutwari bw'Abanyarwanda.

Muri rusange abaturage bibukijwe Intwari z'Igihugu n'Ibikorwa by'Ubutwari bitandukanye byaziranze .

Abaturage basobanuriwe Impamvu twizihiza Umunsi w'Intwari .

Abitabiriye basabwe kurangwa n'Indangagaciro z'Ubutwari .

Bakanguriwe kugira umuco wo gushima ikiza no kwanga ikibi.

 Bahamagariwe kurangwa n'Ubushishozi no kureba kure .